Капиталдык курулуш башкармалыгы Нарвская, 74 дарегиндеги “Сетун” бала бакчасын реконструкциялоо боюнча иштерди баштады.
Бала бакчада капиталдык оңдоо иштери менен бирге кайра пландаштыруу жүргүзүлөт.
Мектепке чейинки мекеменин имараты эки кабаттуу. Жайлардын аянты 1 231 м2 түзөт. Ал эми аймактын аянты — 0,52 га.
Бала бакча 130 балага ылайыкталган. Бакчада ымыркайлар группасы, кенже группа, 2 жогорку группа жана 2 мектепке чейинки даярдоо группасы болот.
Оюн жана уктоочу бөлмөлөрдөн тышкары, музыкалык жана гимнастикалык сабактар үчүн өзүнчө бөлмө бар.
Мектепке чейинки мекеме бардык көмөкчү бөлмөлөр менен иштелип чыккан: медициналык бөлмөлөр, тамак-аш блогу, кир жуучу жай жана тейлөө бөлмөлөрү.
Ошондой эле аймак көрктөндүрүлүп, ар бир топ үчүн өзүнчө балдар аянтчалары орнотулат. Ушуга байланыштуу зарыл шарттарды түзүү үчүн бала бакчанын аймагындагы кээ бир бак-дарактарды кыюу жүргүзүлүүдө.
Биздин Телеграм каналга катталыңыз
