Бишкекте бир нече зордуктоого шектелип, 37 жаштагы Жол коопсуздугун камсыздоо башкы башкармалыгынын кызматкери кармалды. Бул тууралуу Reporter.kgге күч түзүмдөрүндөгү булак билдирди.

Маалыматка караганда, тескөөчү бүгүн, 30-ноябрда кармалган. Акыркы зордуктоо, алдын ала маалыматтарга ылайык, кечээ түнү Орок айылында болгон. Ал караңгы, киши жок жерлерге токтоп турган жана ичинде жыныстык катнаш болуп жаткан автоунааларды видеого тартып, шантаж кылып турганы белгилүү болгон.

Булактын маалыматына ылайык, кечээ түнү тескөөчү дагы бир жолу жыныстык катнашты видеого тартып, жигитти дүкөнгө жөнөтүп, кызды өзү менен калтырган. Ошол учурда ал кызды зордуктаган. Укук коргоо органдары аны жок дегенде эки кызды зордуктоого шектүү деп эсептешүүдө.