Бириккен Араб Эмираттарынын (БАЭ) Шарджа шаарынан Ош жана Бишкек багыттары боюнча авиакаттамдар кайра жанданат. Мындай макулдашууга «Кыргызстан аэропорттору» ААКнын Башкармалыгынын төрагасы Манасбек Самидинов менен делегациясынын жолугушуусунда жетишилди.

Каттамдар «Air Arabia» авиакомпаниясы тарабынан ишке ашат. Каттамдар төмөнкү даталарда ачылат:

• Шарджа – Ош – Шарджа: 2026-жылдын 22-июнунан тарта;
• Шарджа – Бишкек – Шарджа: 2026-жылдын 3-июлунан тарта.

Жолугушууда тараптар ошондой эле маршруттук тармакты кеңейтүү, жүргүнчүлөрдүн агымын көбөйтүү жана туристтик, экономикалык байланыштарды өнүктүрүү маселелерин талкуулашкан. Мындан тышкары жарандык авиация тармагында биргелешкен долбоорлорду ишке ашырууга кызыкдар экендиктерин билдиришкен.