Борбордук шайлоо комиссиясынын төрагасы Тынчтык Шайназаров парламенттик шайлоого катышуу тартибин жана мөөнөттөрүн түшүндүрдү.

Анын айтымында, талапкерлер арыздарын бере башташты. Арыздар 31-октябрга чейин кабыл алынат.

Андан соң талапкерлерди каттоо иштери 10-ноябрга чейин жүргүзүлөт. Үгүт өнөктүгү 10-ноябрдан башталып, 29-ноябрдын саат 08:00үнө чейин уланат.

30-ноябрь шайлоо күнү болуп эсептелет. Анын алдындагы бир күн жымжырттык күнү деп жарыяланат.

Добуш берүү үчүн шайлоо участогуна бара албаган жарандар, анын ичинде мүмкүнчүлүгү чектелген адамдар, 28-ноябрга чейин арыз тапшыра алышат.

БШК төрагасынын айтымында, шайлоонун толук жыйынтыгы 14-декабрга чейин жарыяланат.