31-август жана 1-сентябрда Бишкекте ШКУ саммити жана Дүйнөлүк көчмөндөр оюндарынын өткөрүлүшүнө байланыштуу коомдук транспорт сейрек катташы мүмкүн. Бул тууралуу борбор калаанын мэриясынан билдиришти.

Муниципалитеттен коомдук транспорт штаттык режимде иштей берерин түшүндүрүштү. Бирок айрым жол тилкелеринде кыймылга убактылуу чектөөлөр киргизилгендиктен, автобустардын каттам аралыгы узарышы мүмкүн. Ошондой эле жүргүнчүлөр жолго көбүрөөк убакыт кетиши мүмкүн экенин эске алышы керек.

Мындан тышкары, иш-чаралар өтүп жаткан учурда №13, 17, 23, 34, 36, 40, 50, 52, 103, 107, 118, 166, 215, 222, 227 жана 254-маршруттардын жүрүү схемалары жарым-жартылай өзгөрөт.

Мэрия Бишкектин тургундарын жана конокторун сапарларын алдын ала пландап, мүмкүн болгон кечигүүлөрдү эске алууга чакырды.