Швейцария өкмөтү Кыргызстанда суу ресурстарын туруктуу жана үнөмдүү пайдаланууга көмөктөшүүгө багытталган долбоорду колдоого 2,2 млн швейцар франкын (2,7 млн доллардан ашык) бөлөт. Бул тууралуу Швейцариянын Кыргызстандагы элчилиги билдирди.

Маалыматта айтылгандай, бул каражат жакында кабыл алынган Суу кодексине ылайык “Кыргыз Республикасында сууну пайдаланууга уруксат берүү системасы” долбоорунун алкагында бөлүнүүдө.

Долбоор 2025–2028-жылдар аралыгында ишке ашырылат. Анын максаты сууну так эсепке алуу жана пайдалануу стандарттарын сактоо болуп саналат.