Чүйдүн Сокулук районунда дайынсыз болуп жаткан өспүрүм милиция кызматкерлери тарабынан табылды. Бул тууралуу Чүй облустук ички иштер башкы башкармалыгы билдирди.

Маалыматка ылайык, 2012-жылы туулган өспүрүм 3-май күнү саат 16:00 чамасында Шопоков шаарынын Ново-Октябрьская көчөсүндөгү үйүнөн чыгып кеткен бойдон дайынсыз болуп жаткан.

Жүргүзүлгөн издөө иштеринин натыйжасында өспүрүм 8-май күнү табылып, аман-эсен ата-энесинин карамагына өткөрүлүп берилди.