10-12-май күндөрү өлкөнүн тоолуу жана тоо этектериндеги райондорунда аба ырайынын туруксуздугуна жана күтүлүп жаткан нөшөрлүү жаан-чачынга байланыштуу сел жүрүшү мүмкүн. Ошондой эле дарыяларда суунун деңгээли көтөрүлүшү күтүлөт. Бул тууралуу ӨКМ билдирди.

Мекеме жарандарды майрам жана эс алуу күндөрүндө коопсуздук чараларын сактоого чакырды. Тактап айтканда, мүмкүн болушунча тоолуу жана тоо этектериндеги аймактарга барбоо, дарыялардын жана капчыгайлардын жээгинде эс алуудан алыс болуу сунушталды.