Адилет министрлигинин караштуу Талас шаардык жана Талас районуну боюнча пробация органынын башкы адиси пара менен кармалды. Бул тууралуу Улуттук коопсуздук мамлекеттик комитети билдирет.

Маалым болгондой, 1975-жылы туулган  шектүү кызматтык абалын пайдаланып, эркиндигинен ажыратылган адамдарга анча оор эмес кылмыш үчүн пробацилык билдирүүлөрдү даярдоодо туруктуу негизде акчалай сый акы алып турган.

18-январында ыкчам-тергөө иш-чараларынын жүрүшүндө соттолгон адамга катара пробациялык билдирүү даярдоодо шектүү талап кылынган сумманын бир бөлүгүн алып жаткан учурунда кармалган.

Учурда ал УКМКнын убактылуу кармоочу жайына киргизилген, тергөө иштери жүрүп жатат.