25-июлда «Жаштык Арена» спорттук комплексинде Кыргыз-Орус Славян университетинин тарыхындагы эң ири бүтүрүү кечеси өтөт. ЖОЖ салтанаттуу аземдин деталдуу программасын жарыялады, ал биринчи жолу бардык факультеттердин бүтүрүүчүлөрүн, алардын ата-энелерин, окутуучуларын жана ардактуу конокторун бир аянтчага чогултат.

Программа:

• Саат 13:30 — Бүтүрүүчүлөрдүн жана коноктордун чогулуусу башталат.
• Саат 14:00дөн 15:00гө чейин — Бүтүрүүчүлөрдүн тизилүүсү жана салтанаттуу чыгууга даярдык көрүү.
• Саат 15:00 — Расмий бөлүк башталат. Аземдин алкагында окууда, илимде, коомдук, спорттук жана чыгармачылык ишмердүүлүктө жогорку натыйжаларга жетишкен бүтүрүүчүлөргө артыкчылык дипломдорун жана атайын сыйлыктарды тапшыруу өтөт.
• Саат 16:30дан тарта — Коноктор үчүн Ak Orgo Boys, Jax 02.14, Александр Волкодав, HOLLYFLAME жана «PIZZA» тобунун катышуусундагы концерттик программа тартууланат.
• Саат 18:45тен 20:15ке чейин — Кеченин негизги окуясы — дипломдорду салтанаттуу тапшыруу аземи болот.

Университет ошондой эле катышуучуларга иш-чарага келүү эрежелерин эскертти. «Жаштык Аренанын» кире беришинде көзөмөл-өткөрүү пункту уюштурулат. Кирүү үчүн алдын ала QR-билетти жана өздүгүн тактоочу документти даярдоо зарыл. Кирүү билеттер жана катталган коноктордун тизмеси боюнча гана ишке ашырылат.