Өзгөн райондук ички иштер бөлүмүнүн кызматкерлери администратор аялды сабоого шектелген 30 жаштагы жаранды кармашты. Бул тууралуу Reporter.kg басылмасына Ош ОИИБдин басма сөз кызматынын улук инспектору Нур-Пери Абдуллаева билдирди.

Эскерте кетсек, 2026-жылдын 22-июлунда Өзгөн РИИБге Дөң-Булак айылындагы дүкөндө мас абалдагы адамдардын катышуусундагы жаңжал тууралуу маалымат түшкөн.

Текшерүүнүн жүрүшүндө 21-июлдан 22-июлга караган түнү саат 02:20 чамасында кафелердин биринде эки эркек киши спирт ичимдиктерин ичкени аныкталган. Милициянын маалыматына караганда, алар эсеп төлөөдөн баш тартып, чыр чыгарып, мекеменин администратору 1984-жылы туулган А. К. аттуу аялды сабап, денесине жаракат келтириришкен.

Посмотреть эту публикацию в Instagram

Публикация от Reporter.kg (@reporter_kg)

Бул факт боюнча КР Кылмыш-жаза кодексинин 131-беренеси («Ден соолукка анча оор эмес зыян келтирүү») менен кылмыш иши козголгон.

Тергөө уланууда.

Анара Мамытова