Кыргызстандык ырчы Александр Волкодав орусиялык «Голос» шоусунун кезектеги туруна чыкты. Бул этапта ал «Чиж и Ко» тобунун «Полонез» ырын аткарган.
Программанын уктуруусу 18-ноябрда жазылгандыктан, Александр Градский дагы деле калыстар тобунун курамында болчу. Программанын башында алып баруучу бул чыгарылыш ырчы, акын жана композитордун жаркын элесине арналганын билдирди. Александр Градский 28-ноябрда каза болгон.
