Баткен облусунун Сүлүктү шаарындагы жалпы аянты 1,4 гектарды түзгөн мурдагы эт комбинаты мамлекеттин карамагына кайтарылды. Бул тууралуу Улуттук коопсуздук боюнча мамлекеттик комитети маалымдады.

Маалыматка ылайык, аталган объект 2000-жылы мыйзам бузуу менен менчиктештирилип кеткен.

“УКМК тарабынан жүргүзүлгөн тергөө-иликтөө иштеринин жыйынтыгында, учурдагы менчик ээси комбинатты өз каалоосу менен Баткен облусунун Сүлүктү шаарынын мэриясынын балансына өткөрүп берди”,-деп айтылат маалыматта.