Талас облусунда мал уурдоого шектүү эки жаран камалды. Бул тууралуу облустук милициянын басма сөз кызматы билдирди.
Маалыматка караганда, былтыр 6-декабрына караган түнү Кара-Буура районунун Ак-Жар айылынын Б.А. уулуна жана И.Ж. аттуу тургундарынын 12 баш жылкысы уурдалып, Казакстанга өткөрүлүп кеткен.
Аталган факты 2023-жылдын 1-январь күнү Кылмыш-жаза кодексинин 205-беренеси (Уурдоо) боюнча катталып, алдын-ала тергөө амалдары жүргүзүлүп баштаган.
Бул кылмыштын бетин ачуу максатында милиция кызматкерлери Казакстанга иш сапары менен барып, ИИОнын кызматкерлери менен мал уурулук фактысы боюнча атайын жумушчу топ менен ыкчам иш-аракеттерди жүргүзүп келишкен.
21-февраль күнү аталган кылмышка шектүү катары Кара-Буура районунун Кара-Сай айылынын 46 жаштагы М.Э. уулу жана Куру-Маймак айылынын 39 жаштагы М.А. аттуу тургундары кармалган
«Бүгүнкү күнү тийиштүү тергөө амалдары жана иликтөө иштери жүрүп жатат», — деп билдиришти милициядан.
Биздин Телеграм каналга катталыңыз
