Талас облусунда ЕАЭБге мүчө өлкөлөрдүн биринен Кыргызстанга мыйзамсыз ташылып келген 6 тонна тамак-аш азыктары аныкталды. Бул тууралуу УКМК билдирди.

Маалыматка ылайык, 3-августта “Чоң-Капка-автожол” көзөмөл пунктунда “Мерседес-Бенц” Атего үлгүсүндөгү автоунаа кармалган. Аны тинтүү учурунда өлкө аймагына мыйзамсыз ташылып келе жаткан 6 тонна тооктун тондурулган эти жана башка фабрикаттар табылган. Жүктүн болжолдуу баасы 2 млн 470 миң сомду түзөт.

Учурда тергөөгө чейинки өндүрүш ишинин алкагында мамлекеттик бюджетке келтирилген зыяндын өлчөмүн жана аткезчилик ишмердүүлүккө тиешеси бар адамдарды аныктоого багыттылган иш-чаралар жүргүзүлүүдө.