Кыргызстанга жумушчу сапар менен келген Тажикстан Республикасынын президенти Эмомали Рахмон «Манас» эл аралык аэропортуна конду. Аба майданынан кадырлуу конокту Министрлер кабинетинин төрагасы Адылбек Касымалиев тосуп алды.

Тажик лидери ШКУга мүчө мамлекеттердин башчыларынын кеңешинин юбилейлик саммитине, «ШКУ плюс» форматындагы жолугушууга, ошондой эле VI Дүйнөлүк көчмөндөр оюндарынын салтанаттуу ачылыш аземине катышуу үчүн келди. Салтка ылайык, конокко Оюндардын расмий символу болгон ак илбирстин жумшак оюнчугу тартууланды.

Эске салсак, 2026-жылы Кыргызстан Шанхай кызматташтык уюмуна төрагалык кылууда жана Бишкекте өтүп жаткан саммит уюмдун түзүлгөндүгүнүн 25 жылдыгына арналган.