Терек–Чаты–Терек жана Мырзаке–Кара-Кулжа–Алайкуу унаа жолдорунда транспорттук кыймыл бир тилке боюнча калыбына келтирилди. Бул тууралуу Транспорт жана коммуникациялар министрлиги билдирет.

Ведомствонун маалыматына караганда, 4-июль саат 16:28ге карата жол кызматтары жолдун жүрүүчү бөлүгүн тазалоо боюнча биринчи кезектеги иштерди аякташты.

Ошондой эле адистер жолдорду толугу менен калыбына келтирүү иштерин улантып жатышканы жана коопсуз кыймылды камсыздоо боюнча чараларды көрүп жатышканы кабарланууда.

Буга чейин ошол эле күнү эки унаа жолунда тең кайрадан сел жүрүп, анын кесепетинен транспорттун кыймылы убактылуу токтотулган болчу. Ыкчам тазалоо иштеринен кийин каттамды бир тараптуу режимде ачууга мүмкүн болду.