•  +(996) 557 67 66 40
  •  press@reporter.kg
ЖАҢЫЛЫКТАРКООМ

Тихановская: Лукашенко бийликтен тынч кетсе, анын коопсуздугуна кепилдик берилет

Беларус президенттигине талапкер болгон Светлана Тихановская азыркы мамлекет башчы Александр Лукашенко бийликтен тынч жол менен кетсе, анын коопсуздугуна кепилдик берет. Бул тууралуу ал “Левый берег” украин басылмасына берген интервьюсунда билдирди.

“Мунун баарын талкууласа болот. Албетте, эгер ал адамча, тынч кетсе, мындай мүмкүндүк бар. Муну ишенимдүү түрдө айтса да болот. Жеке мен бардык кишилердин атынан сүйлөшүм керек. Элдин пикири бул маселеде эске алынат”, – деди ал.

Буга чейин Лукашенко бийликти бирөөгө берип коюу үчүн албаганын, президенттиктен кетпей турганын билдирген.

Беларуста президенттик шайлоо 9-августта өткөн. Ага чейин эле бийлик оппозициянын үч белдүү саясатчысын шайлоодон четтетип, алардын экөөнү камаган. Шайлоого катыша албай калган Сергей Тихановскийдин аялы Светлана Тихановская президенттикке талапкерлигин коюп, өзгөрүүнү каалаган элдин символуна айланган.

Беларустун Борбордук шайлоо комиссиясы өлкөнү 26 жылдан бери башкарып келаткан Александр Лукашенко кайра жеңип чыкканын жарыялаган. Шайлоо жыйынтыгы бурмаланганын, Лукашенко бийликтен кетип, өлкөдө өзгөрүү болушун талап кылып толкуган эл ошондон бери тынчый элек.

Сунушталган жаңылыктар
ЖАҢЫЛЫКТАРКООМ

Лукашенко күч түзүм жетекчилерин алмаштырды

ДҮЙНӨДӨНЖАҢЫЛЫКТАР

Тихановская беларустарды иш таштоону улантууга жана жайылтууга үндөдү

ДҮЙНӨДӨНЖАҢЫЛЫКТАР

Лукашенко жаңы Конституция кабыл алынган соң шайлоо өтүшү мүмкүн экенин айтты

ДҮЙНӨДӨНЖАҢЫЛЫКТАР

Беларуста өлкө боюнча иш таштоо башталды

Комментарий кош

Сиздин э-почта сайтта көрсөтүлбөйт. Зарыл түрдө толтуруу керек болгондор *