Массалык маалымат каражаттарына чыккан Афганистандын Памир өрөөнүндө оор вирустук инфекциянын жайылып жатканы жана анын айынан этникалык кыргыздардын каза болуп жатканы тууралуу маалымат Кабулдагы элчилик тарабынан текшерилүүдө. Бул тууралуу Тышкы иштер министрлиги билдирди.

Телефондук байланыш жок болгондугуна байланыштуу, Улуу Памирдеги кыргыздардын абалын билүү үчүн жерине элчиликтин ишенимдүү адамы жөнөтүлгөн.

Ошол эле учурда министрлик Кичи Памирде абал тынч экенин, вирустук оорунун чыкканы тастыкталбаганын белгилейт.

Министрлик менен элчилик аталган маселени көзөмөлүнө алып, афганистандык кыргыздардын Кыргызстандагы өкүлү менен байланышта болууда.

Биздин Телеграм каналга катталыңыз