Бишкек шаарында Кыргызстан менен Орусиянын тышкы иштер министрликтеринин ортосунда эл аралык-укуктук маселелери боюнча консультациялар өттү. Бул тууралуу Кыргызстандын ТИМи кабарлады.

Кыргыз делегациясын КР ТИМдин Эл аралык-укуктук департаментинин директору Адылбек Тультемиров, ал эми орус делегациясын Орусиянын ТИМинин Укуктук департаментинин директору Максим Мусихин жетектеген.

Тараптар өз ара кызыкчылык туудурган эл аралык-укуктук маселелердин кеңири чөйрөсүн талкуулашып, көп тараптуу уюмдардын алкагында ишти координациялоону макулдашышкан. Ошондой эле Кыргызстан менен Орусиянын эл аралык келишимдерге тиешелүү мыйзамдарынын учурдагы абалы боюнча маалымат алмашышкан.