Балдардын укуктары боюнча мамлекеттик өкүл Асель Чынбаева Чүй облусундагы эки баланын өлүмүн чоң трагедия деп атап, бул үй-бүлөнүн каттоодо турбаганын билдирди.

Анын айтымында, үй-бүлөдө башка балдар да жашайт. Социалдык кызматтар аларды атасынан ажыратуу жана тиешелүү мекемелерге жайгаштыруу аракетин көрүшкөн. Бирок балдардын ата-энелик укугу эске алынып, атасы аларды жайгаштыруудан баш тартып, жакын туугандарына берген.

Чынбаева ошондой эле аялдын учурда изоляцияда экенин, экспертизалар дайындалып, тергөө иштери жүрүп жатканын белгиледи.

“Менин оюмча, анын олуттуу көйгөйлөрү бар. Жыйынтык чыккандан кийин дагы ачыкка чыгат”, — деди Асел Чынбаева.