Бүгүн, 26-мартка карата Токтогул суу сактагычында 8 млрд 425 млн куб метр суу бар. Бул тууралуу «Электр станциялары» ишканасынын сайтында айтылат.

Суу сактагычка секундасына 423 куб метр суу агып кирип, 310 куб метр агып чыгуда. Токтогул суу сактагычы акырындан толо баштады десе болот. Себеби дээрлик эки апта мурда, 11-мартта Токтогул суу сактагычында 8 млрд 386 млн куб метр суу болгон. Суу сактагычка 203 куб метр суу агып кирип, 316 куб метр суу агып чыгып жаткан.

Былтыр 26-мартта суу сактагычта 7 млрд 208 млн куб метр суу болгон. 297 куб метр агып кирип, 189 куб метр агып чыгып турган.