Өлкөдөгү тойкана жана кафелерде кечки саат 22:00дөн кийин иш токтой баштады. Бул тууралуу депутат Дастан Бекешев билдирди.

Анын айтымында, «Тынчтык тууралуу» мыйзам эч кимдин иштөөсүнө тыюу салбайт. Болгону 22:00дөн кийин жөн гана тынчтыкты бузган катуу үн болбошу керек.

Депутат мисал катары 7-апрель көчөсүндөгү ресторандарды белгиледи: «Эгер ресторан калктуу конуштан алыс жайгашкан болсо, музыкасы сыртка угулбайт, ошондуктан иштей берсе болот».

Белгилей кетсек, бир катар тойканалар кечки саат 22:00дөн кийин иштөө чектөөсүн «Түнкү тыныгуу» мыйзамы менен байланыштырып жатышат.