Жазаларды аткаруу боюнча мамлекеттик кызматтын (ЖАМК) маалыматына караганда, 15-августта саат 17:20 чамасында Чүй облусунун Аламүдүн районуна караштуу Молдовановка айылындагы №27 мекеменин башчысынын финансы-чарба иштери боюнча орун басары уурулукка шектелип кармалды.

Шектүү Жазаларды аткаруу кызматынын №27 мекемесинин кампасынан Спринтер үлгүсүндөгү унаага 300 литр өсүмдүк майын, ал эми өзүнүн КИА үлгүсүндөгү унаасына 40 литр өсүмдүк майын жана 1 кап картошканы жүктөп, алып кетип бара жатып кармалган.

Бул факт боюнча чогултулган материалдар Жазык-аткаруу тутумунун органдарында жана мекемелеринде мыйзамдардын сакталышын көзөмөлдөө прокуратурасына өткөрүлдү.