Кыргызстандын гимни өзгөртүлөт. Бул тууралуу бүгүн, 25-октябрда Жогорку Кеңеште Иманалы Айдарбековдун 140 жылдыгына арналган иш-чарада төрага Нурлан Шакиев билдирди.

“Биз гимнди өзгөртөбүз. Себеби гимнди кабыл алганда, Советтер Союзунан жаңы чыккан маал болгон. Азыр биз толук бутуна турган, кадыресе өнүгүү жолуна түшкөн мамлекетпиз. Ошон үчүн биз гимнди өзгөртүшүбүз керек. Бардык кыргыз эли ырдай турган гимн болуш керек”, – деди ал.

Эскерте кетсек,  былтыр Кыргызстанда туу өзгөртүлгөн.