Түндүк-Түштүк альтернативдик унаа жолундагы ири тоннель декабрь айында ишке берилет. Бул тууралуу Министрлер кабинети билдирди.
Көк-Арт ашуусунда курулуп жаткан тоннелдин узундугу 3 миң 890 метрди түзөт.
Ал таза аба менен камсыздоо системасы, унаа түтүнүн чыгаруу тутуму, желдетүүчү жабдыктар, вентиляциялык камера, жер астындагы трансформатордук көмөкчордон, өрт өчүрүүчү насостук станциялар, диспетчердик борборлор, ошондой эле кошумча эмеректерди жана электр жабдууларын жайгаштыруу үчүн көмөкчү бөлмөлөр менен камсыздалат. Учурда бетонду төшөө иштери жүрүп жатат.
Альтернативдик унаа жолунун негизги иштеринин бүткөрүлүшү 2024-жылдын декабрында күтүлүүдө.
