Мамлекеттеги коомдук-саясый абалды чыңоо максатында “фейк” жана чагымчыл  маалымат тараткандар жоопкерчиликке тартылат. Мындай эскертүүнү УКМКнын басма сөз кызматы таратты.

“УКМК айрым социалдык тармактарда УКМК Ош шаардык башкармалыгынан куралчан атайын кызматкерлери Бишкек шаарына келди деген маалыматтар чындыкка дал келбейт деп расмий түрдө билдирет. Бүгүнкү күндө УКМК тарабынан атайын күчтөрү катышкан кандайдыр бир ыкчам операциялар жүргүзүлгөн жок”, – деп жазылат билдирүүдө.

Учурда УКМК тарабынан чагымчыл маанайдагы маалымат  жайылткандарды  аныктоо боюнча текшерүү иштерин жүргүзүп жатат. Жалган маалыматтарды тараткандыгы аныкталса алар  кылмыш-жаза жоопкерчилигине тартылат