19-июль күнү Улуттук банктын жүгүртүү мөөнөтү 7, 14 жана 28 күн болгон ноталарын жайгаштыруу боюнча аукциондор өткөрүлдү.

Кыска мөөнөттүү баалуу кагаздарды жайгаштыруунун эсебинен өлкөнүн башкы каржы мекемеси банк тутумунан жалпысынан 11,6 миллиард сом алууну пландаштырган.

Аукциондордун жыйынтыгында Улуттук банктын жүгүртүү мөөнөтү 7, 14 жана 28 күндүк ноталарынын орточо салмактанып алынган кирешелүүлүгү тиешелүүлүгүнө жараша 12,96%, 13,4% жана 13,72%ды түздү.

12-июлда өткөрүлгөн аукционго салыштырмалуу 7 жана 14 күндүк ноталардын кирешелүүлүгү бир аз төмөндөгөн. Ал эми 28 күндүк ноталардын кирешелүүлүгү өзгөргөн жок.