10-сентябрда Улуттук банктын башкармасы тарабынан мамлекеттик «Кылым Банк» ачык акционердик коомун уюштурууга уруксат берген чечим чыгарылды. Бул тууралуу Улуттук банктын басма сөз кызматы билдирди.

Жыл башында Министрлер кабинети 100% мамлекеттин катышуусу менен «Кылым Банк» ААКын түзүү жөнүндө токтом кабыл алган. Анда банктын уставдык капиталы 1 млрд сомду түзөрү айтылган.

Өкмөттүн маалыматында, банк борбордук контрагент, улуттук депозитарий жана номерлөөчү агент болуп дайындалган. Ошондой эле ага банк операцияларын, эсептешүүлөрдү жана клирингди, баалуу кагаздарды сактоону жана эсепке алууну жүзөгө ашырууга ыйгарым укук берилген.