Бишкекте унаа жуучу жайдын кызматкери кардар аял жууганга калтырып кеткен унааны алып, шаар кыдырып айдап кеткен.

Ал унааны айдап баратып, дөңгөлөктү жарып алган. Ага карабай көчөлөрдү аралап жүрө берген. Ал турсун бир тараптуу жолго кирип кетип, жол эрежесин бузган. Аны кайгуул кызматкерлери кармаган.

Октябрь райондук милициясы унааны айдап кеткен 36 жаштагы Б.Т. милицияга жеткирилгенин, териштирүү жүрүп жатканын билдирди.

Кийинчерээк кошумча маалымат берилет.