Маданият министринин маалыматына ылайык, 2026-жылы өтө турган VI Дүйнөлүк көчмөндөр оюндарынын ачылыш жана жабылыш аземдери Бишкектеги жаңы эл аралык стадиондо уюштурулат.

Оюндун негизги бөлүгү Ысык-Көлдөгү ипподромдо жана Кырчын жайлоосунда өтөт. Мында улуттук спорт түрлөрү, этномаданий иш-чаралар жана эл аралык мелдештер пландалууда.

Минкаб Төрагасынын орун басары Эдил Байсаловдун айтымында, Көчмөндөр оюндары боюнча эл аралык катчылык түзүлүп, ал келечекте Олимпиада комитетине окшогон уюмга айланат.