Балбан кыз Нурзат Нуртаева Россиядагы “Иван Ярыгин-2024” кубогу мелдешинде коло байге тагынды.
Нуртаева 72 кг салмакта күч сынашты. Үчүнчү орун үчүн беттеште ал монголиялык балбан кыз менен кез келип, атаандашын 37 секундда жеңип алды. Беттеш 10:0 эсебинде жыйынтыкталды.
Россиянын Красноярск шаарында өткөн бул мелдеш 25-28-январь күндөрү болуп өттү. Буга чейин аталган турнирде 59 кг салмакта Калмира Билимбек кызы жана 62 кг салмакта Жаркынай Нурлан кызы коло байге тагынган.
