Кыргызстандын волейбол боюнча жаштар курама командасы Борбордук зонанын командалары арасындагы Азия чемпионатын жеңиш менен баштады.

23 жаштан ашпаган оюнчулардан түзүлгөн командалардын катышуусундагы турнир Дакка шаарында (Бангладеш) 22-декабрда төрт команданын катышуусунда старт алды.

Тайпалык баскычта командалар “ар бири менен” бирден ойношот. Андан соң жарым финалдык жуптар аныкталат.

Тайпалык баскычтын 1-турунун алкагындагы беттеште Кыргызстандын курама командасы Шри-Ланка менен беттешип, 3:1 эсебинде жеңишке жетти.

23-декабрда 2-тур оюнунда кыргызстандыктар Бангладеш менен беттешет.

1-турдун жыйынтыгы, 22-декабрь

Бангладеш – Непал – 3:0 (26-24, 25-22, 25-21)

Кыргызстан – Шри-Ланка – 3:1 (25-21, 25-22, 22-25, 25-18)

Биздин Телеграм каналга катталыңыз