Бишкек шаарынын мэриясы шаар тургундарына жана конокторуна жеке автоунаанын ордуна коомдук транспортту колдонууга чакырууда.

Муниципалитеттин маалыматында, жаңыланган автобус паркы жүргүнчүлөрдүн коопсуз жана ыңгайлуу жүрүүсү үчүн заманбап шарттар менен камсыздалган. Ошондой эле автобустар экологиялык жактан таза күйүүчү май менен иштеп, абанын булганышын азайтууга салым кошууда.

Мэрия автобустарда жүргүнчүлөр үчүн төмөндөгүдөй шарттар түзүлгөн:

• накталай эмес төлөм системасы (банк карталары, QR-коддор, «Тулпар» картасы);
• коомдук транспорт үчүн атайын бөлүнгөн тилкелер;
• 60 мүнөттүн ичинде кошумча төлөмсүз башка каттамга кайра отуруп жүрүү мүмкүнчүлүгү.

Мындан тышкары мекеме коомдук транспортту колдонуу күйүүчү майга, унаа токтотууга жана техникалык тейлөөгө кеткен жеке чыгымдарды үнөмдөөгө жардам берерин белгилейт. Ошондой эле шаардагы жол тыгындарын азайтууга жана экологиялык абалды жакшыртууга алып келерин билдирди.