Ысык-Көл районунун акими Жапарбек Ормонов коррупцияга шектелип кармалды. Бул тууралуу Бишкектин Биринчи Май райондук соту маалымдады.

Соттун чечими менен Ормонов 4-сентябрга чейин камакта калды. Ага уюшкан топтун жана кылмыштуу чөйрөнүн кызыкчылыгын көздөө, ошондой эле оор залал келтирүү боюнча айып тагылганы айтылууда.

Эске сала кетсек, Жапарбек Ормонов 2023-жылдын август айында Ысык-Көл райондук мамлекеттик администрациясынын башчысы болуп дайындалган. Буга чейин ал Чолпон-Ата шаарынын мэри, Ош шаарынын мэринин орун басары жана Ош шаардык кеңешинин төрагасы болуп иштеген.