Ысык-Көлдө «Заманбап китепкана — мамлекеттин стратегиялык ресурсу» аттуу эл аралык конференция өтүүдө. Иш-чарада китепканалардын коомдогу ордун санариптик доордо кайра аныктоо маселеси каралууда. Бул тууралуу Маданият министрлиги билдирди.

Маалыматка ылайык, Кыргызстан, КМШ жана жакынкы өлкөлөрдөн келген 150дөн ашуун китепканачылар, IT-адистер, мугалимдер жана маданият кызматкерлери үч күн бою төмөнкү темалар боюнча талкуу жүргүзүлөт:

• китепканалардын санариптик трансформациясы;
• жасалма интеллекттин колдонулушу;
• инновациялык IT-чечимдер;
• инклюзивдүү долбоорлор;
• руханий баалуулуктарды калыптандыруу.

Министрлик конференциянын жыйынтыгында сунуштар иштелип чыгып, китепкана тармагын өнүктүрүүгө багытталган резолюция кабыл алынарын билдирди.