Ысык-Көлдө ар жылы өтүүчү Кыргыз-Россия экономикалык форуму расмий түрдө ачылды.

Ачылышында белгиленгендей, өткөн жылы эки өлкө ортосундагы товар жүгүртүү 3,9 млрд долларды түздү. Кыргызстанда орус капиталы катышкан 1 400дөн ашык ишкана иштеп, 20 миң жумуш орду түзүлгөн. Экспорттун жалпы көлөмүндө Россиянын үлүшү 25% болду. Ошондой эле 7 млрд долларлык биргелешкен долбоорлор ишке ашырылууда.

Форумга Кыргызстан, Россия, Афганстан, Өзбекстан, Казакстан, Кытай жана Тажикстандан миңден ашуун өкүл катышууда.