.svg){kind=logo}
Бишкекте синтетикалык баңгизат сатууга шектелип 26 жаштагы жигит кармалдыКыргызстанда дагы 63 билим берүү мекемесинде ысык тамак берилүүдөАзия оюндары: грек-рим күрөшүндө Асан Жанышов финалга чыктыДепутат памирлик кыргыздарды жумушка орноштурууга жана адаптациялоого көмөк көрсөтүүгө чакырдыБишкекте сүрөтчү Асанбек Турумбековдун 90 жылдыгына арналган көргөзмө ачылатУлуттук статистика комитети: туризм Кыргызстанга жарым жылда 34 млрд сом киреше алып келди
Ысык-Көлдө марал куткарылды – видео
08.03.2023 | 12:15
Жаратылыш ресурстары, экология жана техикалык көзөмөл министрлигинин кызматкерлери маралды куткарып калды. Бул тууралуу аталган министрликтин басма сөз кызматы билдирди.
Белгилүү болгондой, министрликтин Ысык-Көл жана Нарын облусу боюнча башкармалыгынын кызматкерлери Түптүн Сары-Кыр тилкесинде, рейд учурунда, эки жаштагы маралды таап алган.
“Марал карышкырлар кол салгандан кийин үйүрүнөн калып калган болушу мүмүн. Маралды тапкан учурда ал алсыз абалда болгон”, – деп билдиришти министрликтен.
Марал Сары-Тологой айылындагы егердин үйүнө жеткирилген. Андан кийин мал доктур чакырылып, ветеринар маралды текшерген.
“Марал калыбына келгенден кийин кайра боштондукка кое берилет”, – деп билдиришти министрликтен.
Биздин Телеграм каналга катталыңыз
Рубрики: Жаңылыктар, Коом
