26-июлда Ысык-Көлдүн Чолпон-Ата шаарындагы борбордук ат майданда “Мурас” ат чабыш турнири өтөт. Бул тууралуу Айыл чарба министрлиги кабарлады.

Турнирде улуттук ат оюндары, таймаштар, тарыхый маданиятты чагылдырган этно-дефилелер жана шоу-программалар уюштурулат.

Иш-чара саат 15:30да, ал эми концерттик бөлүк саат 18:00дө башталат.

Концертте белгилүү ырчылар: Гүлжигит Калыков, Омар, Малика-Дина, Ахти, Нурчолпон, Иса Өмүркулов, Ислам Сатаров, Элера Кабылжан кызы, Самат Уланбеков ырдайт. Ошондой эле белгилүү этнодизайнер Асель Калканова жетектеген «Аталар Изи» тобунун өзгөчө этно-шоусу өтөт.

Иш-чарага кирүү акысыз, орундар чектелүү.