Ысык-Көл облусунун Балыкчы шаарында ипотекалык турак жай комплексинин курулушуна мезгил кутусу салынды. Бул тууралуу президенттин иш башкармалыгынын жетекчиси Каныбек Туманбаев билдирди.

Маалыматка ылайык, комплексте жалпысынын 3 миң 700 батирден турган 12 кабатуу үйлөр курулат.

«Үй маселеси ар бир жаран үчүн биринчи кезектеги муктаждык. Президент дал ушул маселени мамлекеттин көңүл борборуна койду. Эл турмушунун сапатын жакшыртууга, жашоонун негиздерин бекемдөөгө багытталган иш-аракеттер системалуу жүрүп жатат»,- деп билдирген Каныбек Туманбаев.