Ысык-Көлдө милиция кызматкерлери арак ичип, кызматтык унаасын башкарып жүргөн. Бул тууралуу милиция кызматкерлерин видеого тартып алган жергиликтүү тургун билдирди.

Анын айтымында, видео Бөкөнбаев айылында тартылган. Мас болгон кызматкерлер экологиялык милицияда иштешет. Жаран видеого тартып жатканда милиция кызматкерлери унаасына отуруп, мас абалында унаасын айдап кетип калышкан.

Бул окуя боюнча Reporter.kg’ге облустук милициядан комментарий берип, видеодогу мас деп айтылып жаткан эки адам милиция кызматкери экенин ырастады. Ошондой эле бул факт боюнча ички иликтөө кызматы кызматтык иликтөө баштаганын, анын жыйынтыгы менен тиешелүү чаралар көрүлөрүн билдирди.

Биздин Телеграм каналга катталыңыз