Кыргызстандын тышкы иштер министри Жээнбек Кулубаев Катарда өткөн Ислам кызматташтык уюмунун Тышкы иштер министрлеринин кеңешинин өзгөчө сессиясына катышты.

ТИМдин маалыматына ылайык, жыйында Катардагы акыркы окуялар жана Газа секторундагы абал талкууланды.

Тараптар Жакынкы Чыгыштагы кагылышууларды токтотуу, аймакта туруктуу тынчтык орнотуу үчүн координацияны күчөтүү жана биргелешкен кадамдарды иштеп чыгуу маселелери боюнча пикир алмашышты.