15–16-сентябрь күндөрү Жалал-Абад шаарында «Туруктуу туризмди өнүктүрүү: ТМУга мүчө жана байкоочу мамлекеттердин тажрыйбасы» аттуу эл аралык туристтик форум өтөт. Бул тууралуу Туризм департаменти маалымдады.

Иш-чара Туризм департаменти, президенттин Жалал-Абад облусундагы өкүлчүлүгү жана шаар мэриясы тарабынан уюштурулууда.

Форум катышуучуларга тажрыйба алмашууга, стратегиялык демилгелерди талкуулоого жана туруктуу туризм тармагындагы мыкты тажрыйбаларды көрсөтүүгө аянтча түзүп берет.

Форумга мамлекеттик органдардын өкүлдөрү, туристтик компаниялар, туризм жаатындагы эксперттер жана туризм секторунун өкүлдөрү катыша алышат.