«Кыргызпочтасы» ишканасынын Жалал-Абад облусундагы байланыш бөлүмүнүн жетекчиси акча кымырып алууга шектелип кармалды. Бул тууралуу УКМКдан билдиришти.

Маалым болгондой, аталган ишкананын «Таштак» байланыш бөлүмүнүн башчысы Э.Э. Сузак районунун тургуну И.С. менен сүйлөшүп алып, 10,7 млн сом акчаны кымырып, коротуп салышкан деп шектелүүдө. Бул акчалар район тургундарына пенсия, жөлөкпул жана айлык акы төлөөгө арналган каражат болгон.

Учурда ал экөө кармалып, убактылуу кармоочу жайга камакка алынды.

Тергөө иштери жүрүүдө.