Кечээ, 9-октябрда социалдык тармактарда зомбулукка туш болгон кыздын видеосу тарады. Маалыматка караганда, окуя 5-октябрда Манас шаарындагы батирлердин биринде болгон. Кызды көп убакыттан бери коркутуп келген жаран кайрадан сабаган.

Кыз билдиргендей, ал жигит 7 ай мурун үйлөнүү максатында мамиле сунуштаган, бирок кыз макул эмес экенин айткан. Жаздан бери ал кызды коркутуп, эшикти бузуп кирип, көчөдөн да уруп келген. 5-октябрь күнү жигит кызды мал базарына алып барып зордуктоого аракет кылган, уруп, унаадан түшкөндө өлтүрөм деп коркуткан. Жанындагы адамдар кызды коргоп, ооруканага жеткирген.

Жалал-Абад облустук милициясы окуя Сузак РИИБдин маалыматтарды электрондук каттоо журналына катталып, тергөөгө чейинки иштер башталганын маалымдады.