Шаардык мэриянын басма сөз кызматы билдиргендей, цементтен жасалган Лениндин эстелиги авариялык абалда болгон.

Мэрия белгилегендей,  буга чейин скульптура турган Токтогул көчөсүн да реконструкциялоо пландалууда.

“Шаардын жетекчилиги айкелди “Жеңиш” сейил багына көчүрүү вариантын карап чыккан, бирок ал жерде Лениндин дагы бир эстелиги бар. Эки эстеликти бир жерге орнотуу туура эмес. Буга байланыштуу демонтаждалган эстелик кампада сакталат деген чечим кабыл алынган”, – деп билдиришти мэриядан.

Муниципалитет бул маселени саясатташтырбоого чакырды.