Бишкекте белгисиз айдоочу «Тазалык» ишканасынын кызматкерин унаасы менен сүзүп кеткен. Жабырлануучу ооруканада эсине келе албай каза болду. Жол кырсыгы 26-ноябрда болжол менен саат 07:05те Боталиев жана Кызыл-Кыя көчөлөрүнүн кесилишинде болгон.

Посмотреть эту публикацию в Instagram

Публикация от Reporter.kg (@reporter_kg)

Байкоо камераларындагы кадрлардан айдоочу сүзгөндөн кийин токтоп, жабырлануучуну бир карап, андан кийин окуя болгон жерден кетип калганын көрүүгө болот. 59 жаштагы Т.К. бир суткадан кийин жандандыруу бөлүмүндө көз жумган.

Милициянын кайгуул кызмат башкармалыгынын Издөө бөлүмүнүн кызматкерлери шектүү катары 36 жаштагы Т.А.ны кармашты. Анын унаасын кароо учурунда кузовунда жана алдыңкы айнегинде кырсыктын белгилери аныкталган. Шектүү убактылуу кармоочу жайга киргизилди.