Президент Садыр Жапаров Кыргыз Республикасынын эмгек сиңирген артисти, театр жана кино актёру Азиз Мурадиллаевдин операциясына  42000 доллар каражат которду. Бул тууралуу Ассоль Молдокматова социалдык баракчасына жазды.

Актёр оор абалда 3-декабрда ооруканага түшкөн. Ал операцияга муктаж.

“Азиз Мурадиллаев оор абалда оорукананын кайра жандандыруу бөлүмүндө жатат. Ал боор циррозу менен жабыркайт. Ага Түркиядан баасы 45000 долларга операция жасоо керек», — деп жазган Молдокматова.

Ал «Курманжан датка» тасмасындагы Кокон хандыгы тушунда кыргыздардан чыккан таасирдүү саясий ишмер Алымбек датканы образын жаратуу менен көпчүлүккө таанылган.

Бардык жаңылыктар Телеграм каналда