Бишкекте жарандын 17 автоунаасын алдап алып, андан кийин сатып жиберүүгө шектелип 26 жаштагы жаран кармалды. Бул тууралуу ИИМ билдирди.

Маалыматта айтылгандай, милицияга жаран кайрылып, Б.Н. аттуу жаран анын “Honda Fit”  үлгүсүндөгү 17 унаасын ижарага берем деген шылтоо менен алып, андан кийин аларды сатып жиберип, из жашырып кеткен.

Бул факт боюнча Кылмыш-жаза кодексинин 209-беренесинин 4-бөлүгү (өзгөчө ири өлчөмдөгү алдамчылык) менен кылмыш иши козголгон.

Ыкчам тергөөнүн натыйжасында 26 жаштагы Б.Н. аттуу жаран кармалып, убактылуу кармоочу жайга камалган.

Учурда сатылып кеткен унааларды кайсы жерлерде экенин аныктоо боюнча иш-чаралар жүргүзүлүүдө. Кылмыш иши боюнча тергөө улантылууда.