Быйыл жыл башынан бери Өзбекстандан Кыргызстанга 2 млнго жакын турист келди. Бул тууралуу Өзбекстандын Статистика боюнча улуттук комитети билдирди.

Маалыматка ылайык, январь-июль айында өлкөгө 1 млн 918 миң 904 өзбекстандык турист келген. Бул Кыргызстан өзбек туристтери үчүн эң популярдуу багыт экенин көрсөтөт.

Жалпысынан Өзбекстандан чет өлкөгө туристтик максатта чыккандардын саны 4,3 миллиондон ашкан. Өзбекстандык туристтер ошондой эле Казакстанга (799 миң 429), Тажикстанга (754 миң 123) эс алууга барышкан.